Misión, visión e valores

O grupo ALBACORA intégranno sociedades mercantís co obxectivo fundamental de capturar, transportar, almacenar, distribuir, comercializar e envasar os túnidos. Nace en 1974 coa constitución da compañía matriz ALBACORA S.A., formada por grandes grupos societarios con experiencia mercantil diferente que conforman unha integración perfecta para os obxectivos proxectados.

Os buques atuneiros conxeladores de Grupo Albacora son considerados os máis competitivos do mundo. O seu deseño confírelles unhas caracteristicas idóneas para a realización dunha actividade pesqueira responsable e respctuosas con todos os Convenios Internacionais da Pesca e para a protección das especies. O compromiso do Grupo co medio ambiente exténdese ademais nas plantas transformadoras precursoras no sector en obter certificados medioambientais e nas prácticas respectuosas.

O Grupo Albacora está ademais socialmente comprometido tanto coas persoas que o integran como cos eidos nos que está establecida, tendo como obxectivo a creación de emprego estable e riqueza, dun xeito responsable e colaborando con entidades culturais e deportivas.